tugas bahasa sunda sawer panganten (Neli)

Neli Yuldaningsih

XI MIPA 5

Sawér Pangantén

Sawér nurutkeun Tatang Sumarsono nyaéta karangan dina basa ugeran nu sok digunakeun dina upacara nyawér. Dina prak-prakanana nyawér sok ditembangkeun, dikawihkeun, atawa dideklamasikeun.Ari nu dimaksud sawér pangantén nyaéta sawér nu sok biasa dilaksanakeun dina upacara kawinan. Ungkara sastra nu sok dihaleuangkeun dina nyawér pangantén aya nu mangrupa dangding (guguritan) sagemblengna, aya nu mangrupa dangding disambung ku ungkara sawér anu husus tapi aya anu sagemblengna mangrupa ungkara sawér baé, nyaéta anu unggal padana diwangun ku opat padalisan tur opatanana murwakanti tungtungna.

Kekecapan anu dipaké dina nyawér pangantén , teu sarua jeung nu biasa dipaké dina nyawér budak anu dihitan, tapi dina duanana pada-para disebut ngaran Batara Guru, Guruputra, Hyang Banga, paradéwa, para déwata, sing sakur anu jadi kapercayaan Sunda anu ngajaring jeung ngawasa bangsa manusa.Ditambah jeung nyebut parakaruhun, pandita-pandita, paraolia, adat kabiasaan urang Sunda ngagumbirakeun manéh sasugema-sugemana.Dina kitab agama teu aya disebutkeun ngeunaan nyawér, nu aya ukur dina buku karangan pamaréntah.Jeung sabenerna teu aya hal-hal anu mubadir, misilna duit anu diawurkeun, pasti aya nu mulung, béas pasti dipacok hayam, tapi teu aya dina kitab anu nyebut-nyebut Batara Guru jeung pada déwata.

Dina tahap awalna mah sawér ieu téh mibanda fungsi magistimbul ku sabab kapercayaan kana ayana lelembut-lelembut jeung kakuatan-kakuatan gaib tur digunakeun pikeun ménta panyalindungan jeung kasalametan. Fungsi satuluyna pikeun alat atikan, nepikeun papatah-papatah moral, sosial, jeung kaagamaan, dina kamekaran satuluyna fungsina salaku alat hiburan.Pagelaran sawér dilengkepan ku rupa-rupa sasajén jeung alat-alat nu tangtu anu sipatna simbolis turta mibanda ajén ritual.Sawér silib tina rasa sosial, sejahtera, wekel, jeung sauyunan.Pangantén sabada sungkem dibawa ka panyawéran.Di panyawéran geus disiapkeun korsi jeung payungna.Fungsi tukang sawér, panyambung létah kolot pangantén.Caritaanana ditepikeun ngaliwatan lagu, eusina euyeub ku papatah keur pangantén.Juru sawér ngahaleuang bari ngawurkeun béas, siksik konéng, jeung duit récéh ka nu lalajo.Contoh Sawer panganten :

 //Muji sukur ka Gusti Yang Widi/ Tina bungah henteu hinggana/ laksana implengan haté/ ka pangersa Nu Agung/ akad nikah réngsé tarapti/ berkah kurnia Allah/ teu ringrang teu bingung/ ayeuna seja miwejang/ kagegelan kanggo pangantén sakalih/ malak mandar keur luang//Hal mamanis teu perlu diwincik/ nu penting mah sual barébédan/ sangkan teu pati ngajenghok/ tapi teu kudu paur/ da ilahar dina rarabi/barébédan cocoba/ muji ka nu sanggup/ geus pasini sauyunan/ nyepeng pageuh jangji/ keur méméh ngahiji//Mun seug dalit enggoning rarabi/ tali asih nganteng éstuning kuat/ taya sual anu hésé/ karuwet mawa maju/ asal akal béngras jeung tarapti/ gogoda mawa ni'mat/ mun seug pada jujur/ akal jadi hukum rasa/ ayem ulah kejot borosot teu uni/ pan ngudag kabagjaan//.